I./6. Graecī Trōiam capiunt

Tartalom

A – Graecī Trōiam capiunt

Frāctī pūgnis ducēs Graecōrum dē vitōriā iam dēspērantēs annō decimō bellī Trōiānī immānem equum dīvīnā Palladis arte aedificābant. Hūc dēlēctōs virōs fūrtim inclūsērunt, et uterum armātīs mīlitibus complēvērunt. Tum sē in lītore dēsertō īnsulae, cuī nōmen est Tenedos, cum nāvibus condidērunt. Trōiānī longō metū līberātī ac fīnem horribilis bellī nēquīquam spērantēs ībant per Dōrica castra, atque falsō cum gaudiō relicta ā Graecīs loca revidēbant. Tum sacerdōs Neptūnī Lāocoōn ārdēns summā dēcurrit ab arce et procul ait: "O miserī, quae tanta īnsānia, cīvēs? Hīc aliquis latet error, equō nē crēdite, Teucrī!" Et validīs vīribus ingentem hastam in latus ferī contorsit. Paulō post ecce ā Tenedō per tranquillum mare geminī serpentēs ad lītora tendunt et agmine certō Lāocoonta petunt. Prīmum parva duōrum fīliōrum corpora serpēns uterque implicat, mox ipsum auxiliō subeuntem ac tēla ferentem corripiunt. Cīvēs vīsū attonitī equum in urbem trahunt, ac ita exitium Trōiae properant.

B – Aenēās bemutatkozik

Nōs Trōiā antīquā, sī vestrās forte per aurēs
Trōiae nōmen iit, dīversa per aequora vectōs
forte suā Libycīs tempestās appulit ōrīs.
Sum pius Aenēās, raptōs quī ex hoste penātēs
classe vehō mēcum, fāmā super aethera nōtus.
Italiam quaerō pˇatriam, et, genus ab love, summō.
Bis dēnīs Phrygium cōnscendī nāvibus aequor,
vix septem convulsae undīs Eurōque supersunt.
Ipse īgnōtus, egēns Libyae dēserta peragrō,
Eurōpā atque Asiā pulsus.

További linkek

Források

Ferenczi Attila, Monostori Martina: Latin nyelvkönyv

Latin nyelv 2.